Andrièu Lagarda ven de publicar une novèla edicion de son Vocabulari occitan a las edicions Letras d'òc, colleccion Camins. "Un classic pels escolans d'occitan, e pels autres."
Muriel Batbie-Castell ven de recebre, conjuntament amb Patrick Robinet, la Ròsa d’argent de l’Acadèmia dels Jòcs Florals per lor cançon « Alba de luna ».
Franc Bardòu ven de recebre lo primièr prèmi Aran de Literatura de 2013, dins la categoria Poesia, pel sieu texte inedit « Al portal de la Pica d'Alba ». Ven tanben de publicar dos novèls recuèlhs de poèmas : Fòc als uèlhs ai set de brasas e Lai ont non l'esperavas pas(Edicions Tròba Vox - www.art-troubadours.com , col. Votz de Trobar, Vol. 1 & 2). Se pòdon comandar a troba.vox@wanadoo.fr
Pèire Bèc ven de publicar sa traduccion dels poèmas de José Corredor Metheos, Letra a Li-Po (Lo Gai Saber, n°528).
Florian Vernet ven de publicar son darrièr recuèlh de novèlas, Fin de partida (Edicions IEO Lengadòc).
